Tag Archive: zinadine zidan

  1. കോപ്പ ഡെൽ റേയിൽ മൂന്നാം ഡിവിഷൻ ക്ലബ്ബിനോട് തോറ്റു പുറത്തായി, റയലിലെ സിദാൻ്റെ പരിശീലകസ്ഥാനത്തിനു വീണ്ടും ഭീഷണി

    Leave a Comment

    അൽകൊയാനോയുമായി നടന്ന കോപ്പ ഡെൽ റേ മത്സരത്തിൽ ഒന്നിനെതിരെ രണ്ടു ഗോളുകൾക്ക് അപ്രതീക്ഷിത തോൽവി രുചിച്ചിരിക്കുകയാണ് സ്പാനിഷ് വമ്പൻമാരായ റയൽ മാഡ്രിഡ്‌. 90 മിനുട്ടിൽ 1 – 1 നു സമനിലയിൽ കലാശിച്ചതോടെ മത്സരം അധിക സമയത്തേക്ക് നീളുകയായിരുന്നു. റയൽ മാഡ്രിഡിനായി പ്രതിരോധ താരം എഡർ മിലിറ്റാവോ ഗോൾ വല കുലുക്കിയപ്പോൾ 80ആം മിനുട്ടിൽ അൽ കൊയാനോക്കായി സമനില ഗോൾ സ്വന്തമാക്കിയത് ജോസെ സോൽബസ് ആയിരുന്നു.

    അധിക സമയത്ത് 110ആം മിനുട്ടിൽ   അൽകൊയാനൊ താരം റാമോൺ ലോപ്പസിന് റെഡ് കാർഡ് കണ്ടു പുറത്തു പോവേണ്ടി വന്നെങ്കിലും റയലിന്റെ അക്രമണങ്ങളെ കൃത്യമായി പ്രതിരോധിക്കാൻ അൽകൊയാനോക്ക് സാധിക്കുകയായിരുന്നു. 115 ആം മിനുട്ടിൽ വീണ്ടും അൽകൊയാനോ ലീഡ് നേടിയതോടെ തിരിച്ചു വരാനാവാത്ത വിധം റയൽ മാഡ്രിഡ് തോൽവി രുചിക്കേണ്ടി വരികയായിരുന്നു.

    ഇതോടെ അത്ലറ്റിക് ബിൽബാവോ ക്കെതിരായ സൂപ്പർ കോപ്പ സെമി ഫൈനൽ തോൽവിക്കു ശേഷം റയൽ മാഡ്രിഡ് മറ്റൊരു ടൂർണമെൻ്റിൽ നിന്നും പുറത്തായിരിക്കുകയാണ്. സിദാനു കീഴിൽ ഇതുവരെയും കോപ്പ ഡെൽ റേ കിരീടം ചൂടാനായിട്ടില്ലെന്നത് മറ്റൊരു വസ്തുതയാണ്. റയൽ മാഡ്രിഡിൽ കളിക്കുന്ന സമയത്തും കോപ്പ ഡെൽ റേ കിരീടം സിനദിൻ സിദാനു ജയിക്കാനായിട്ടില്ല.

    എന്തായാലും ഈ തോൽവിക്കു ശേഷം റയൽ മാഡ്രിഡിലെ സിനദിൻ സിദാൻ്റെ പരിശീലക സ്ഥാനത്തിനു വീണ്ടും ഇളക്കം തട്ടിയിരിക്കുകയാണെന്നും അഭ്യൂഹങ്ങൾ ഉയർന്നു വന്നിട്ടുണ്ട്. ഇതിനു മുമ്പേ സൂപ്പർ കോപ്പ സെമി ഫൈനലിൽ അത്ലറ്റിക് ബിൽബാവോക്കെതിരെ തോൽവി പിണഞ്ഞതും സിദാനെ പ്രതിസന്ധിയിലാക്കിയിരുന്നു. അൽകൊയാനോയെപ്പോലുള്ള മൂന്നാം ഡിവിഷൻ ക്ലബ്ബിനെതിരെയേറ്റ തോൽവി റയലിനെ മറ്റൊരു പരിശീലകനു വേണ്ടി ശ്രമിക്കാനുള്ള പ്രചോദനം നൽകിയിരിക്കുകയാണെന്നാണ് അറിയാനായിട്ടുള്ളത്.

  2. റയലിൽ അധികകാലം നിലനിൽക്കുന്നതിനെക്കുറിച്ച് ഞാൻ ചിന്തിക്കുന്നില്ല, സിദാൻ മനസു തുറക്കുന്നു

    Leave a Comment

    കഴിഞ്ഞ സീസണിലാണ് സിനദിൻ സിദാൻ റയൽ മാഡ്രിഡ്‌ പരിശീലക സ്ഥാനത്തേക്ക് തിരിച്ചെത്തുന്നത്. 2019-20 സീസണിലെ ലാലിഗ കിരീടം നേടിക്കൊടുക്കാനും സിനദിൻ സിദാനു സാധിച്ചിരുന്നു. നിലവിൽ രണ്ടാം സീസണിലേക്ക് കടന്നിരിക്കുകയാണ് സിദാനും സംഘവും. നിലവിൽ അത്ലറ്റിക്കോ മാഡ്രിഡിനു താഴെ രണ്ടാം സ്ഥാനത്ത് തുടരുന്ന റയൽ മികച്ച നിലയിലാണുള്ളത്.

    കഴിഞ്ഞു പോയ 2020 വർഷത്തെ പ്രകടനങ്ങളെ കണക്കിലെടുക്കുമ്പോൾ മികച്ച പ്രകടനം തന്നെയാണ് സിദാനു കീഴിൽ റയൽ മാഡ്രിഡ്‌ നടത്തുന്നത്. അതു കൊണ്ടു തന്നെ 2022ൽ റയലുമായുള്ള കരാർ അവസാനിക്കാനിരിക്കുമ്പോൾ റയൽ മാഡ്രിഡിലെ ഭാവിയെക്കുറിച്ചു മനസു തുറക്കുകയാണ് സിദാൻ. ഇനിയൊരു കരാർ പുതുക്കലിനെക്കുറിച്ചല്ല ഇപ്പോൾ ചിന്തിക്കുന്നതെന്നാണ് സിദാൻ വ്യക്തമാക്കിയത്.

    “ഇത് നമ്മളിൽ നിന്നും ഒരുപാട് ഊറ്റിയെടുക്കുന്നുണ്ടെങ്കിലും ഇതൊരു മികച്ച സ്ഥാനം തന്നെയാണ്. ഞാൻ റയൽ മാഡ്രിഡിന്റെ മാനേജർ ആണെന്ന് പറയുന്നത് തന്നെ ഒരു ഭാഗ്യമായാണ് കരുതുന്നത്. ഒരു നിമിഷവും മികച്ച അവസരമായാണ് ഞാൻ കണക്കാക്കുന്നത്. എനിക്കൊരിക്കലും ഒരു മാസമെന്നോ ഒരു വർഷമെന്നോ നാലു വർഷമെന്നോ പറയാനാകില്ല. ദൈനം ദിന പ്രവർത്തനങ്ങളാണു നമ്മുടെ ജീവിതം.”

    അതിലാണ് എനിക്കും കൂടുതൽ താത്പര്യമുള്ളത്. ഓരോ ദിവസവും എനിക്ക് നൽകാൻ പറ്റുന്നതിന്റെ പരമാവധി നൽകാറുണ്ട്. ഓരോ പരിശീലനത്തിലും ഓരോ മത്സരത്തിലും. അതിലാണ് എനിക്ക് താത്പര്യമുള്ളത്. ബാക്കിയുള്ളത്? എനിക്കറിയില്ല ഈ ഒരു ആഴ്ചക്കുള്ളിൽ എന്താണ് സംഭവിക്കുകയെന്നത്. അതു കൊണ്ടാണ് ഓരോ നിമിഷവും നമ്മൾ മുതലെടുക്കേണ്ടതുണ്ടെന്നു പറഞ്ഞത്.” സിദാൻ പറഞ്ഞു