ഇന്ത്യയുടെ ഏറ്റവും വിശ്വസ്തനായ ടെസ്റ്റ് സ്‌പെഷ്യലിസ്റ്റ് ബാറ്റ്‌സ്മാനായ ചേതേശ്വര്‍ പൂജാരയ്ക്ക് സംഭവിയ്ക്കുന്നതെന്തെന്ന് അറിയാതെ കുഴങ്ങുകയാണ് ക്രിക്കറ്റ് ലോകം. ഐപിഎല്‍ തിരക്കുകളില്‍ നിന്നും മാറി കൗണ്ടിയില്‍ യോര്‍ക്ക് ഷെയറിനായി കളിക്കുന്ന പൂജാരയ്ക്ക് അഞ്ച് ഇന്നിംഗ്‌സുകള്‍ കഴിയുമ്പോള്‍ ഒരിക്കല്‍ പോലും ഫോം കണ്ടെത്താനായിട്ടില്ല.

2, 18, 7, 6, 9 എന്നിവങ്ങനെയാണ് ഇംഗ്ലണ്ടില്‍ പൂജാരയുടെ ഇതുവരെയുളള സ്‌കോര്‍. ഏറ്റവും അവസാനം എസെക്സിനെതിരെ നടന്ന് കൊണ്ടിരിക്കുന്ന കൗണ്ടി പോരാട്ടത്തില്‍ പൂജാര ഒന്‍പത് റണ്‍സെടുത്ത് പുറത്തായത്. ഇതോടെ അദ്ദേഹത്തിന്റെ ടീമായ യോര്‍ക്ക് ഷെയര്‍ കേവലം 50 റണ്‍സിന് ഓള്‍ ഔട്ടായി.

ഇന്ത്യയുടെ സുപ്രധാനമായ ഇംഗ്ലീഷ് പര്യടനം തുടങ്ങാനിരിക്കെയാണ് പൂജാര ഫോം ഔട്ടാകുന്നത്. കൗണ്ടിയില്‍ പൂജാര കളിക്കുന്നത് ഇന്ത്യയ്ക്ക് ഇംഗ്ലണ്ടിനെ നേരിടുമ്പോള്‍ ഏറെ സഹായകരമാകുമെന്ന് നേരത്തെ ക്രിക്കറ്റ് ലോകം വിലയിരുത്തിയിരുന്നു. പൂജാരയെ കൂടാതെ മറ്റൊരു ഇന്ത്യന്‍ ടെസ്റ്റ് താരം ഇഷാന്ത് ശര്‍മ്മയും കൗണ്ടി കളിക്കുന്നുണ്ട്.

ഐപിഎല്ലിന് ശേഷം ഇന്ത്യന്‍ നായകന്‍ വിരാട് കോഹ്ലിയും കൗണ്ടിയുടെ ഭാഗമാകും. സറേയ്ക്കായാണ് കോഹ്ലി ബാറ്റേന്തുക. ചരിത്രപ്രാധാന്യമാളള അഫ്ഗാനെതിരെയുളള ടെസ്റ്റ് മത്സരം ഉപേക്ഷിച്ചാണ് കോഹ്ലി കൗണ്ടി കളിക്കാന്‍ ലണ്ടനിലേക്ക് വണ്ടികയറുന്നത്.

സിഡ്‌നി: ക്രിക്കറ്റ് ലോകത്തെ പിടിച്ചുലച്ച പന്തുചുരണ്ടല്‍ വിവാദത്തില്‍ പുതിയ വെളിപ്പെടുത്തല്‍. ഓസ്‌ട്രേലിയന്‍ താരം മോയിസസ് ഹെന്റിക്വസ് ആണ് വെളിപ്പെടുത്തലുമായി രംഗത്തെത്തിയിരിക്കുന്നത്. ടീമിലെ മുതിര്‍ന്ന താരങ്ങള്‍ ചേര്‍ന്നാണ് പന്തില്‍ കൃത്രിമം കാട്ടാന്‍ തീരുമാനിച്ചതെന്ന സ്മിത്തിന്റെ വെളിപ്പെടുത്തല്‍ കള്ളമാണെന്നാണ് ഹെന്റിക്വസ് ആരോപിക്കുന്നത്.

പന്തില്‍ കൃത്രിമം കാട്ടിയതിന്റെ പേരില്‍ ഓസീസ് മുന്‍ നായകന്‍ സ്റ്റീവ് സ്മിത്തും ഉപനായകന്‍ ഡേവിഡ് വാര്‍ണറും ആജീവനാന്ത വിലക്കിന്റെ നിഴലില്‍ നില്‍ക്കെയാണ് വ്യത്യസ്തമായ വെളിപ്പെടുത്തലുമായി ഹെന്റിക്വസ് രംഗത്തെത്തിയത്.

‘എന്റെ അഭിപ്രായത്തില്‍, പന്തില്‍ കൃത്രിമം കാണിക്കുന്ന കാര്യം ചര്‍ച്ച ചെയ്യാന്‍ ടീമിലെ സീനിയര്‍ താരങ്ങള്‍ തമ്മില്‍ കൂടിക്കാഴ്ച നടന്നിട്ടില്ല. ചെയ്യുന്ന പ്രവര്‍ത്തിയുടെ അനന്തരഫലം മനസ്സിലാക്കാതെ പന്തു ചുരണ്ടി യുവതാരം കാമറണ്‍ ബാന്‍ക്രോഫ്റ്റിനെ വിവാദത്തില്‍നിന്ന് രക്ഷിക്കാനാണ് സ്മിത്ത് ഉത്തരവാദിത്തമേല്‍ക്കുന്നത്’ ഹെന്റിക്വസ് കുറിച്ചു.

അതെസമയം കാമറണ്‍ പന്തില്‍ കൃത്രിമം കാട്ടുന്ന കാര്യം മറ്റാര്‍ക്കും അറിയാമായിരുന്നില്ലെന്ന് ഇതിന് അര്‍ഥമില്ലെന്നും ഹെന്റിക്വസ് പറയുന്നു. ഇതേക്കുറിച്ച് തീരുമാനിക്കാന്‍ മുതിര്‍ന്ന താരങ്ങള്‍ ഒത്തുകൂടിയില്ലെന്ന് മാത്രമേ ഈ പറഞ്ഞതിന് അര്‍ഥമുള്ളൂവെന്നും ഹെന്റിക്വസ് വ്യക്തമാക്കുന്നു.

ടീമിലെ യുവതാരത്തെ സംരക്ഷിക്കാനാണ് ക്യാപ്റ്റന്റെ ശ്രമമെന്ന് താന്‍ സംശയിക്കുന്നതൈയിെ സംഭവം നടന്ന ദിവസം കളി കഴിഞ്ഞ് വാര്‍ത്താ സമ്മേളനം നടക്കുന്നതിനിടയ്ക്കുള്ള സമയത്താണ് ഇപ്പോഴത്തെ രീതിയില്‍ സംഭവങ്ങള്‍ വ്യാഖ്യാനിക്കപ്പെട്ടതെന്നും ഹെന്റിക്വസ് ട്വിറ്ററില്‍ കുറിച്ചു.

അതേസമയം, ഓസ്‌ട്രേലിയയ്ക്കായി നാലു ടെസ്റ്റുകളില്‍ കളിച്ചിട്ടുള്ള ഹെന്റിക്വസ്, ദക്ഷിണാഫ്രിക്കയില്‍ പര്യടനം നടത്തുന്ന ഓസീസ് ടീമില്‍ അംഗമല്ല. അതുകൊണ്ടുതന്നെ ടീമിന്റെ ഡ്രസിങ് റൂമില്‍ നടന്ന കാര്യങ്ങളെക്കുറിച്ച് ഹെന്റിക്വസ് പറയുന്ന കാര്യങ്ങളില്‍ എത്രമാത്രം ആധികാരികതയുണ്ടെന്നും വ്യക്തമല്ല.

നാലു ടെസ്റ്റുകള്‍ക്കു പുറമെ 11 ഏകദിനങ്ങളിലും 11 ട്വന്റി20 കളിലും ഹെന്റിക്വസ് ഓസീസിനായി കളിച്ചിട്ടുണ്ട്.

നിദാഹാസ് ട്രോഫി ടി20 ക്രിക്കറ്റ് ടൂര്‍ണ്ണമെന്റില്‍ ഇന്ത്യ ഫൈനലില്‍. ബംഗ്ലദേശിനെതിരെ തകര്‍പ്പന്‍ ജയം സ്വന്തമാക്കിയാണ് ഇന്ത്യ ഫൈനലില്‍ പ്രവേശിച്ചത്. 17 റണ്‍സിനാണ് ഇന്ത്യ ബംഗ്ലാദേശിനെ തകര്‍ത്തത്.

ഇന്ത്യ ഉയര്‍ത്തിയ 177 റണ്‍സ് വിജയലക്ഷ്യത്തിന് മുന്നില്‍ ബംഗ്ലാദേശിന് ആറ് വിക്കറ്റ് നഷ്ടത്തില്‍ 159 റണ്‍സെടുക്കാനേ ആയുളളു. മൂന്ന് വിക്കറ്റ് വീഴ്ത്തിയ വാഷിംഗ്ടണ്‍ സുന്ദറിന്റെ തകര്‍പ്പന്‍ ബൗളിംഗ് പ്രകടനമാണ് ഇന്ത്യയ്ക്ക് അനായാസ ജയം സമ്മാനിച്ചത്.

നാലോവറില്‍ 22 റണ്‍സ് വഴങ്ങിയാണ് സുന്ദര്‍ മൂന്ന് വിക്കറ്റുകള്‍ വീഴ്ത്തിയത്. മുഹമ്മദ് സിറാജ്, ചഹല്‍. താ്ക്കൂര്‍ എന്നിവരും ഒരോ വിക്കറ്റ് വീതം വീഴ്ത്തി.

ബംഗ്ലാദേശ് നിരയില്‍ പുറത്താകാതെ 72 റണ്‍സെടുത്ത മുഷ്ഫിഖാണ് പൊരുതി നോക്കിയത്. 55പന്തില്‍ എട്ട് ഫോറും ഒരു സിക്‌സും സഹിതമായിരുന്നു മുഷ്ഫിന്റെ ഇന്നിംഗ്‌സ്. തമീം ഇഖ്ബാലും സബ്ബിര്‍ റഹ്മാനും 27 റണ്‍സ് വീതം എടുത്തു.

നേരത്തെ ടോസ് നഷ്ടമായി ആദ്യ ബാറ്റ് ചെയ്ത ഇന്ത്യ 20 ഓവറില്‍ രണ്ട് വിക്കറ്റ് നഷ്ടത്തില്‍ ഇന്ത്യ 176 റണ്‍സ് സ്വന്തമാക്കുകയായിരുന്നു. പുറത്താകാതെ അര്‍ധ സെഞ്ച്വറി നേടിയ രോഹിത്ത് ശര്‍മ്മയും മികച്ച പ്രകടനം കാഴ്ച്ച വെച്ച സുരേഷ് റെയ്‌നയുമാണ് ഇന്ത്യയ്ക്ക് മികച്ച സ്‌കോര്‍ സമ്മാനിച്ചത്.

രോഹിത്ത് ശര്‍മ്മ പുറത്താകാതെ 89 റണ്‍സെടുത്തു. 61 പന്തില്‍ അഞ്ച് ഫോറും അഞ്ച് സിക്‌സും സഹിതമാണ് രോഹിത്ത് തകര്‍പ്പന്‍ പ്രകടനം കാഴ്ച്ചവെച്ചത്. പരമ്പരയില്‍ രോഹിത്ത് ശര്‍മ്മ ഇതാദ്യമായാണ് രോഹിത്ത് തിളങ്ങിയത്.

ധവാന്‍ 35 റണ്‍സെടുത്ത് പുറത്തായി. 27 പന്തില്‍ അഞ്ച് ഫോറും ഒരു സിക്‌സും സഹിതമാണ് ധവാന്‍ 35 റണ്‍സെടുത്തത്. റെയ്‌നയാകട്ടെ 30 പന്തില്‍ 47ഉം റണ്‍സെടുത്തു. അഞ്ച് ഫോറും രണ്ട് സിക്‌സും സഹിതമാണ് റെയ്‌നയുടെ ഇന്നിംഗ്‌സ്.